UDA Cloud · Məsləhətlər

Şəkilləri telefondan kompüterə necə köçürmək

Şəkil və videoları Android telefondan Windows kompüterə köçürməyin üç yolu var. Birdəfəlik köçürmə üçün kabel bəs edir. Hər dəfə əl ilə köçürmək istəmirsinizsə, bulud rahatdır.

1. USB kabel ilə

• Telefonu kabel ilə kompüterə qoşun.
• Telefonda bildiriş pərdəsini aşağı çəkin, USB bildirişinə toxunun və «Fayl ötürmə» (File transfer) rejimini seçin.
• Kompüterdə «Bu kompüter» → telefonunuzun adı → «Daxili yaddaş» → DCIM → Camera qovluğunu açın.
• Lazımi faylları seçib kompüterdəki qovluğa sürükləyin.

Üstünlüyü: internet lazım deyil, sürətlidir. Çatışmazlığı: hər dəfə əl ilə etmək lazımdır, kabel həmişə yanınızda olmur. WhatsApp və Telegram şəkilləri başqa qovluqlardadır, onları ayrıca axtarmaq lazımdır.

2. Bulud və sayt vasitəsilə

• Telefonda UDA Cloud tətbiqini quraşdırın, hesab açın və göndəriləcək qovluqları seçin. Hər hesaba 10 GB pulsuzdur.
• Şəkillər və videolar özü buluda yüklənir, buludda da telefondakı kimi qovluqlara düşür.
• Kompüterdə brauzerdə cloud.uda.az saytına daxil olun. Qalereyada və «Qovluqlar» bölməsində faylları seçib yükləyin: bir neçə fayl seçəndə onları bir arxivdə yükləmək olar.

Üstünlüyü: kabel lazım deyil, istənilən kompüterdən işləyir. Çatışmazlığı: yükləməni yenə özünüz edirsiniz.

3. Avtomatik: Windows proqramı ilə

• Telefonda UDA Cloud tətbiqi şəkilləri buluda göndərir (yuxarıdakı kimi).
• Kompüterdə UDA Cloud proqramını quraşdırın və eyni hesabla daxil olun.
• Proqram buluddakı faylları kompüterdə adi qovluğa endirir və sinxronlaşdırır: telefonda çəkilən yeni şəkil bir müddət sonra kompüterdə də görünür. Kompüterdə qovluğa əlavə etdiyiniz fayllar isə buluda gedir.

Üstünlüyü: heç nəyi əl ilə etmək lazım deyil, telefonda və kompüterdə eyni qovluqlar olur. Çatışmazlığı: fayllar internet vasitəsilə gedir, ilk dəfə çox şəkil olanda bu vaxt aparır.

Proqram rəqəmsal imza ilə imzalanmayıb, ona görə Windows quraşdırma zamanı xəbərdarlıq göstərə bilər. Ətraflı saytda yazılıb.

Hansını seçmək?

• Bir dəfə köçürmək lazımdırsa, kabel kifayətdir.
• Şəkillər hər gün çoxalırsa və telefonda yer azdırsa, bulud və Windows proqramı daha rahatdır: şəkillər həm buludda, həm kompüterdə olur.

UDA Cloud-da pulsuz hesab açın

Digər məsləhətlər: Telefonun yaddaşı doldu: nə etməli · Telefon itəndə şəkilləri necə qorumaq